محاولات كثيرة و النتيجة واحدة سمعو قصتي

محاولات كثيرة و النتيجة واحدة سمعو قصتي
السلام عليكم انا كنعاني من حالة عحيبة و لا شيء واحد نفع معي بدون ما نعرف من الأول السبب بقيت سنين طويلة وأنا من محربة لمحربة و من فائدة لفائدة سواء قرآنية من سور أوراد و برامج طويلة و قيام الليل بالبقرة و غسل و رقية و تطهير و تفوسيخات و مجربات للقبول و الرزق و المحبة أو جلب الحبيب أو التخلص من العكوسات و من سيطرة القرين أو فسخ للأسحار بماء مرقي جربت مئات الوصفات حتى الشبشبات و اللدون و كتابة سور بالزعفران و شربها و الغسل بيها أي حاجة سمعتها فالموقع او قنوات كنت كنجربها ما يخطرش على بالكم شحال جربت حتى من التخاطر و قانون الجذب و النتيجة هي المزيد من نفور الناس أو الشخص اللي نبغي حاولت ندير كتير محربات قرآنية باش يحس بيا لكن كل ما نبدى شي حاجة كينفر مني كتر كل اموري متوقفة و معطلة تماما ولا أمر حتى تافه ما يتقاد ليا و للأسف كندعي و نكثر من القيام و نبكي و نطلب ولا مرة استاجبات ليا دعوة وحدة الحمد لله ربي كريم لكن انا على هاد الحال من 18 سنة يعني ماشي ساهل حياتك توقف هاد المدة كاملة بدون تغيير حتى لو بسيط و فالتالي قلت ندير كشف لكن للأسف هاديك دوامة أخرى كل واحد آش كيقول شي كيقول سحر شي مس شي حسد كل واحد كيقول سبب لكن أنا جربت علاحات لهادشي كامل و والو كنحس بحياتي ضاعت و قلبي كيتحرق نهار بعد نهار ما بقات عندي رغبة فحتى حاجة و جميع الناس كتنفر مني رغم اني كنت محبوبة من الكل بغيت شي حل او نصيحة أو اتجاه نسلكو باش نعيش طبيعية بدون عكوسات بغيت نرتاح نفسيا و نفرح بحالي بحال الناس الفرحة نسيتها من اللي كنت صغيرة

الله يفرج عليك اختي عمرك تقولي جربت ودعيت ووالو حاشا واش ربي يخاليك اكيد نهار غيستاجب ليك مديريش ليها الحساب
بلى مدخلي لديك الدوامة ديال الكشف والوصفات اكثرهم كيرجعو غير بالعكس
تبعي شي قناة ديال الرقية الشرعية داوميها واحد الشهر غتشوفي الفرق
سورة البقرة الى قدرتي بقاي تقرايها 3 مرات فحلسة واحدة باش الى كان فيك شي عارض مايقدرش يقاوم ويخرج داوميها غير سبعة ايام 3 مرات فجلسة واحدة وربي ان شاء الله يجيب الفرج والفرح من عندو