اقوي شيخ مغربي|تقرقيب الناب على شرف ملوك الجن

من طرف طاهور 31.10.21 22:39

اقوي شيخ مغربي|تقرقيب الناب على شرف ملوك الجن

تقرقيب الناب .........
ليلة المولد النبوي بالضبط او فالنصف من شعبان كتتقام ليلة على شرف الملوك السبعة لي هوما (الميامين والملكة السوداء عائشة / الباشا حمو/ سيدي موسى / لالة مليكة/ لالة ميرة / شمهروش والبوهالي )
وبهاد الإحتفالية لي كتدار من لعام لعام على شرف ملوك الجن كيجددو السحرة العهود بينهم وبين خدامهم السفليين حسب وقت فلكي معين ودقيق واغلب هذه الاوقات كتكون كما ذكرت أعلاه ( المولد النبوي والنصف من شعبان )
وكتكون ذبائح و اتواب خاصة لكل ملك داكشي مضبوط مفيهش العشوائية ولا لانبروڤيزاصيون لا ، برنامج محدد يتم اتباعه بأدق أدق التفاصيل تاعو وطبعا لا يكتمل الإحتفال ولا يتم إلا بوجود (كناوة / جيلالة / حمادشة) لي كل ملك من الملوك عندو فرقة موسيقية خاصة بيه وكيطلب أنه هي لي دير الجدبة أو كيتافقو الملوك السبعة على فرقة وحدة هي لي دير الجدبة
قبل الحضرة بليلة المقدم او الشواف او الساحر أو سميه لي بغيتي إنما كيبقا هو المسؤل على الإحتفال وغالبا كتلقا سميتو المقدم ، قلت المقدم كيدير ( التبيتة ) اي كيوجد التمر والحليب ولفواكه الجافة والبخور والملابس الخاصة ( بالحضرة ) كيشد هدشي كامل وكيبيتو فالزاوية او الخلوة ليلة كاملة قبل ( الحضرة )
على أساس الجن ياكل ويشرب وكيخليو ليه لباركة ليلة ( الحضرة ) زعما راهم راضين عليه وكل ملك عندو لبسة تاعو وماكلة خاصة بيه والمقدم خصو يكون ضابط أمورو وميغلطش
لغد ليه كيجي لمقدم يدخل فين خلا داكشي كيلقا العلامة بأنهم راضين عليه وغيحضرو لل ( الحضرة ) وباغين نوع معين من الموسيقى ( جيلالة / كناوا أو حمادشا ) هدي معرفتهاش لأنه كتبقا سر من أسرار المقدم أشناهي العلامة لي كيخليو ليه باش يجيب أحد الفرقة الموسيقية الله أعلم
مباشرة فاش كيخرج المقدم من الخلوة كيدير ( العادة ) أي كيرفع أعلام فيها الوان الملوك السبعة (الاسود / الاحمر / الاصفر / الابيض /البنفسجي / الازرق / الاخضر ) وكيعيط على الملوك السبعة بالأسماء تاعهم بموسيقى خاصة حزينة ولاءا لهم واحتراما لسموهم والألفاض لي كيقول حتى هي سر من أسرار لمقدميا المتوارثة أبا عن جد وخا يقولها أي شخص آخر مكتعطيش المفعول
كيترفو الرايات ولموسيقى خداما والجدبة ، وكتذبح الدبيحة أو الضحيا على شرفهم ( الملوك السبعة ) جمال غنم ماعز أو أبقار على حسب ( الشرط ) لي لقاه مع العالامة أش بغاو فالدبيحة كتسالي الدبيحة وكل ما رافقها من طقوس كياكلو الناس لي كانو حاضرين من الدبيحا أو الضحيا
والمقزز فالأمر أنهم كياكلو اللحم خضر والمحضوض هو لي جات فيه لكبدة ولا القلب ولا حتى طرف من لودن وكيتخاطفو على اللحم لأنه داير التمان وكيتستعمل فأعمال السحر والشعوذة طرف صغير تلقاه ب 3000 درهم وأكثر عاد كيمشي اللحم يطيب لكن ماشي أي لحم كتمشي الرجلة ليمنية ( أي الفخض اليمنى تاع الدبيحة )
لي عندها طقس خاص بيها وكطيب بتوابل محددة وبضوزاج معين ، كطيب فالخلوة لي خلا فيها الفواكه الجافة واللباس فين دار المقدم ( التبيتة ) كطيب الرجلة كيشدها المعلم لأنه غيدير طقس خاص للجن كتتسمى ( بالمسوس او الحلو ) حسب ما تم اشتراطه عليه ولا ياكل إلا هو منها والجن فقط والباقي كيترما بالمجاري فلقوادس ولقرقارات والتقابي تاع طواليط وحتى فالاماكن الخالية ( لخلا )
صافي وكتبدا ليلة ( الحضرة ) بطرق اول باب من ابواب ملوك الجن ( الملوك السوداء الميامين ) ومنهم البواب صاحب الباب والحاجة ميمونة وميمون الغمامي وميمون لكحل وميمون السحابي
وهنا المقدم كيلبس لكحل ولبخور كايكون جاوي كحل
ولكل باب من الاباواب الميامين ملوك أوخرين من غير الحاكم ف باب الميامين ميمون لكحل هو الحاكم واللوخرين خدام وهم ميمونة البواب ميمون الغمامي ميمون الطيار فوفو دانبة وهو من الملوك الافارقة كيبغي العاف وحرق الشخص المتلبس به بالنار وعند الانتهاء لن تجد فالشخص أي اثر للحرق ، ولواعر فهاد الباب هو ميمون الغمامي كيبغي ضرب اللسان بالموس و دبح الانسان لنفسه وادخال السكاكين فالبطن والوجه وداكشي
من كيسالي المقدم من الباب الاول باب الميامين كيدخل لباب الجن لحمر (الباشا حمو / حمودة / مول الجنوي )
وهدا الباب خطير ومرعب لما به من مشاهد رعب ودمايات لان هذا النوع من الجن كيبغي الضرب والدم والسادية
هنا المقدم كيلبس اللون الاحمر وكيهز سيف وجنوية كبيرة وكتبدا الموسيقى وكيبدا المقدم بطعن نفسه وضرب راسه ورجله والبخور المرافق لهاد العملية هو الجاوي لحمر
وكتتصيب شربة تسمى بشربة الباشا حمو وهي شربة مصنوعة من اللوز وشويا تل لما زهر وشويا ت الجاوي لحمر و واحد الملون أحمر لا يعرفه إلا المقدم
كيسالي من هاد الباب كيدخل لباب الجن لزرق (او الغواصين ) ملكهم سميتو سيدي موسى كيلبس المقدم اللون الازرق والطقس المرافق لدخول هاد الباب هو الرقص بزلافة عامرا بلما تا البحر والجاوي لبيض زلافة يعني جبانية كيحطها المقدم فوق راسو وكيبدا يشطح بيها شطيح غريب جدا بحال إلا كيعوم فلبحر وكيخرج من فمو لما زعما راه كيغطس فلبحر ويطلع ومحافض على التوازن تاعو كيتمايل لكن مكايطيح لا هو لا الجبانية لي فوق راسو
كيسالي من هدا الباب كيدخل لباب الجن لخضر كيلبس المقدم لباس ( الدربالة ) يعني حوايج مقطعين بحال شي شمكار اما كلشي خضر او مزوق بلخضر وفيه الألوان لوخرين يطغى عليها اللون لخضر
وكيدير تحت باطو شوية تاع لخبز وفيديه اليسرى قطعة من السكر ويديه اليمنى شاد فيها عكاز وهدا نوع من الجن يسمى ب الطلاب مهدور فحالتو كي شي طلاب
كيسالي من هاد الباب باب النسا أخطر وأهم باب لي خص فيه الدقة فالأداء باب لالة مليكة او مليكة الهواوية هاد الجن يحب الاناقة والحناء والعطور والحلي واللباس الفخم و اللون المفضل هو البنفسجي
المصيبة هي اغلب المهتمين بهاد الباب بالضبط كايكونو عيالات يحبون الزنى وكيمارسوه من كيتحل هاد الباب مع من والا اما الطامة العضمى هي الرجال كيمارسو اللواط مع بعضياتهم
ولبخور كيكون مسكة حرة وعود قماري ولما الزهر فقط والشطيح كيكون بطريقة راقية لانه الملكة لالة الهواوية أو ملكة الأهواء هي ملكة بنت الملوك وعزيز عليها الحلويات والشكولاط لي كيرميهم المقدم على الحضور اتناء طقسها
كيسالي من هاد الباب كيدخل للباب لبيض او باب الشرفاء والملك على هذا الباب هو لفقيه شمهروش والأتباع تاعو هوما لفقيه مولاي احمد و لفقيه السوسي وفهاد الباب اللباس كلو ابيض في ابيض جلباب مغربي بيض و سلهام بيض والتسبيح فاليد اليمنى والقران فاليد اليسرى ولبخور كيكون العود الحر الغالي الثمن داكشي ديال القرشي للعطور
كيسالي من هاد الباب كيدخل لباب ميرة وخواتاتها كيتفتح كيبدا المقدم يضحك من دون سبب وكيلبس لصفر ويهضر بلهجة امازيغية الا حضرات ميرة الشلحة
اما الا حضرات ميرة لعربية كيهضر بلعربية ولبخور المرافق كيكون صرغينة وهدا كيتسمى باب الهبل والحمقى
كيسالي من هاد الباب كيدخل لآخر باب لي هو باب الملكة السوداء عيشة او الميمة او الضغوغية أو السودانية أو الحمدوشية تختلف التسميات حسب المناطق لكن الحاضرة واحدة وهي الملكة الحاكمة على كل الابواب السابقة وأخطرهم وابطشهم خص المقدم يكون حدر جدا هنا كيلبس المقدم اللون الاسود وكيطفي كع الضواو وكتبدا الجدبة وخص يكون حداه لما سطولا ت لما كيخويه عليه لانه هذه الملكة كتسكن الوديان و الانهار
ولبخور المرافق هو لحرمل والجاوي لبيض ، وكيبدا هو والناس لي حاضرين يتمرغو في الحناء لحقاش عزيزة على ميرة وأيضا كتاكل الزيتون لكحل و الخبز المسوس
هدي هي الحضرة وطقوسها وأبوابها ومراحلها لي كتتنفد بعناية فائقة لتجديد الولاء ما بين السحرة والمشعوذين والمريدين تاعهم بملوك الجن على أساس راهم راضين عليهم العام كامل
والمشعوذين والسحرة غادي يخدمو مع لكليان تاعهم عام كامل تحت رعاية ملوك الجن لي راضين عليهم وأي مشعوذ أو ساحر رجلا كان أو مرا ولابدا يحضر للحضرة وإلا شغلو مغايصدقش ليه لأنه خصو ياخد البراكة من عند لمقدم لي كل ملك من ملوك الجن ملي كيتحل الباب تاعو كيتلبس بالمقدم والمرافقين تاعو وهكدا كيحضر شخصيا لتقدم له مراسم الطاعة والولاء من عند الحاضرين وكل مشعوذ وساحر معمن كيخدم ولباب لي كيهتم بيها وخصو يحضر للفتح تاعو
الموضوع ماشي لنقاش واش الجن كاين أو لا واش فعل كيتلبس بالإنسان أو لا الموضوع هو للوقوف على الطقوس لي كتتقام فأوقات معينة من السنة وعندها مريدين تاعها وعددهم كثير بزاف والغريب فالأمر أنهم ماشي كاملين جهال ومن بسطاء الناس أو مايصطلح عليه فعالم الفسابكة المثقفين وداكشي بسكان لقوادس أو القادوسين لا لكن فيهم ناس دات مستوى علمي وأكاديمي أيضا ذكاترة فالجامعات وأطباء وموظفين بل حتى عمال وقياد أيضا كيحضرو بانتضام لهاد الطقوس لأنهم يؤمنون بها
باختصار شديد جدا لأن الحضرة وفتح أبواب ملوك الجن فيه بزاف التفاصيل لي خصها وقت باش ندكرها لكن هدي أهمها
.

من طرف ميمة الحلوة 07.11.21 23:23

موقع الشيخ المغربي الكبير

من طرف زهراء 09.11.21 21:13

السلام عليكم مشكور علي سرعة الرد شيخنا الله يجازيك خير الجزاء

من طرف للجادين 09.11.21 23:42

مشكور يا شيخنا كل كلامك في الصميم

من طرف zayneb 16.05.22 19:25

نشوف

اقوي شيخ مغربي|تقرقيب الناب على شرف ملوك الجن

اقوي شيخ مغربي|تقرقيب الناب على شرف ملوك الجن

اقوي شيخ مغربي|تقرقيب الناب على شرف ملوك الجن

رد: اقوي شيخ مغربي|تقرقيب الناب على شرف ملوك الجن

رد: اقوي شيخ مغربي|تقرقيب الناب على شرف ملوك الجن

رد: اقوي شيخ مغربي|تقرقيب الناب على شرف ملوك الجن

رد: اقوي شيخ مغربي|تقرقيب الناب على شرف ملوك الجن